L’associacion ALAVETZ qu’intervien auprès deus quataus d’opcion
occitana deu collègi Jean- Jaurès de
Mauborguet desempuish lo mes d’abriu. Los escolans que profieiten de mantuas
sesilhas entà preparar ua cronica difusada sus la webradio nosta : RàdioGasconha.
Ajudats per la lor professora d’occitan Emilia Barrèra, los
reportairòts que’s prenen lo micrò entà’ns presentar quauques uns deus lors lesers :
Rugbí, Handball, mòda…
Dimars lo 20 de junh que marcava lo punt finau deu projècte.
Los escolans que podón escotar en avant prumèra lo montatge definitiu de l’emission,
frut deu lor tribalh. L’experiéncia que portava mantuns interès. Tot prumèr,
que permetó de desvelopar l’oralitat, punt essenciau dens l’aprentissatge d’ua
lenga vivanta. Puish que balhé lo parat d’avalorizar l’imatge de la lenga en la
tot emplegar d’ua manèra modèrna. Que poderem parlar tanben de l’apròcha deu
mitan radiofonic hèita peu biaish de l’emplèc deu micrò o enqüera de la preparacion
de las questions necessàrias au reportatge.
Que sia la professora, l’associacion nosta o los escolans, a
tots qu’us agradava aqueth moment d’escambi. De notar, ALAVETZ que participè
benevolament e que vòu insisitir sus l’importància de tocar, de sensibilisar lo
joèner qui transmeterà çò qui demora de la cultura nosta.
L’emission qu’estó difusada sus Ràdio Gasconha, que la
podetz tornar escotar en tot anar suu siti noste. Rendetz-ve qu’ei balhat tà l’an
qui vien entà un projècte enquëra mei apregondit.